خالد يوسف صابا جام غضبه على الصحفيين: ألا تدركون أنكم تبصقون على الفن المصري وتحولونه إلى وسط داعر؟

القاهرة – “رأي اليوم “-محمود القيعي:

هاجم المخرج خالد يوسف عضو البرلمان المصري الصحفيين الذين شوهوا صورته ونشروا عنه كلاما قبل أن يتثبتوا من صحته، واصفا إياهم بالمخبرين عملاء الأمن.

وتساءل يوسف في مقال له نشره بحسابه على الفيسبوك: يا ترى هتعمل ايه وسائل الإعلام  في اقوال البنات المثبتة في التحقيقات الرسمية للنيابة اللي مافيهاش حرف من الاساطير اللي قعدوا ينشروها ويأكدوها ويعيدوا التأكيد عليها ويزنوا ليكون حد ما وصلوش الخبر بإن انا اللي كنت بصور البنات تحت التهديد وببتزهم كمان بالفيديوهات دي واضافوا كمان ان البنات قالوا انهم كانوا سنهم صغير يعني اقل من 18 سنة.

وتابع يوسف: “عملولي شوية تهم كده آخدلي فيها تأبيدة على الاقل ولما اطلعت على التحقيقات حزنت وقولت ياريت كان البنات قالوا كده وكان الاعلام صادق في نقل اللي قالوه لكن اكتشف ان كل اللي نقلوا الكلام في الاعلام ده مجرد مخبرين مش صحفيين ببلاط صاحبة الجلالة وانهم فقط بيكتبوا ما أملوه عليهم.

وتابع يوسف: “والمحزن والمؤسف ( وده سبب هذه البوست لاني مأجل كلامي كله شويه وهااقولكوا في الاخر ليه) المحزن انهم يحطوا علي لسان البنات انهم قالوا ( ايوه عملنا كده لان ماحدش بيمثل من غير مايعمل كده مع المخرج او المنتج وكل اللي مثلوا قبلنا عملوا كده )”.

وتابع يوسف:  يامن تعتبرون”  انفسكم صحفيين ألم يكن في امكانكم ان تراجعوا سادتكم في هذه الجملة البسيطة فقط ولا بيعتبروا انفسهم آلهة ماينفعش تناقشهم  ‎الا تدركون انكم تبصقون علي الفن المصري وكله وتحولوه لوسط داعر ومنحل عايزين تصفوني انا وتقضوا عليا طاعة لأسيادكم ..ماشي ..انا قلت اني هااحتمل ومعي زوجتي وأولادي وعيلتي صابرين علي الاذى لانه قدرنا لكن توصموا الفنانات كلهم والوسط كله”.

وتابع يوسف: ‎والله انكم تجهلون ماتقترفونه ولا تدركون قيمة الفن المصري ولا حتة قيمة مصر  نفسها”.

وتابع يوسف: ‎..مادام البنات”  ماجبوش سيرة الفن والعمل بالتمثيل وقصروا اقوالهم على انهم كانوا متجوزني عرفي وان المجرم هو اللي نشر الفيديو وبما  انكوا مالكوش هدف غير تصفيتي انا يبقي كان لازم تركزوا علي افعالي طبقا لاقوالهم وتتهموني بإني مجنون ومريض ومجرم كمان وانا اللي نشرت مثلا ..ليه بقه تقحموا الاشتغال بالفن في الموضوع ..”.

وتساءل يوسف: هل اسيادكم قالولكوا شوهوا ضمن ماتشوهوه سمعة الفن المصري نفسه  ‎ما احقر ان تضرب مهنة الاعلام بعرض الحائط بكل قيمها وثوابتها وتساهم بهذا الشكل المنحط في تحقير الفن المصري وكل من  يعمل فيه”.

وتابع: “‎انا مأجل كلامي  في موضوعي وتفاصيله لغاية مااشوف بس هما ناويين يكيفوها ازاي ويوصلوها لفين وايه أخرتها لانهم بيقولوا ان مش دي القضية الوحيدة ولا دول البنات الوحيدين وان عندهم فيديوهات لميتين فنانة ( من ضمن برضه التشويه الموجه للفن) ‎فعايز بس اعرف التهم اللي هاتوجه ليا هاتوصلني للمؤبد زي ماقالوا في الاول ولا بس عايزني اعترف بعدة زواجات عرفية كده علي شوية علاقات كده من اللي قلبك مايحبهمش ولو عملت كده يبقي كفاية عليك كده ياعم خالد شوهناك ودمرنا نفسية اهلك وعيلتك والمحيطين بيك وعملنالك فضيحة بجلاجل وسلمناك تسليم اهالي للمجتمع وقيمه وماحدش هايقتنع بكلامك تاني وعارض بقه تعديل الدستور ولا ماتعارضش  براحتك ..”.

وتابع يوسف: “المشكلة ان اللي غايظني  قوي وبرغم كله اللي عملوه ان الناس لغاية دلوقتي لسه بتصدق كلامي حتي اللي مش مقتنع ببراءتي  الاخلاقية ‎مقتنع باني عمري مانافقت سلطة ووقفت قبل كده قصاد انظمة وماهمنيش ولا ممكن يهمني من اي بطش ولا تنكيل لاي نظام مهما كان اجرامه  ‎عموما ده مش موضوع البوست ده”.

واختتم قائلا:”‎كل رجائي لوسائل الاعلام التي تفهم قيمة رسالتها ولايتلقوا اوامر -على قلتهم وندرتهم – ان يتحروا الدقة ليس فيما يسيء لي -لان ده فقدت الامل فيه لان اللي مكسوفين منهم مما يحدث بيعتذرولي في رسايل وبيقولولي الموجة عالية قوي اعذرنا – ارجوهم ان يتحروا الدقةفيما قد يسيء لأي معنى نبيل في حياتنا وعلى رأسها قيمة الفن والفنانين المصريين، ولا تشركوهم ابدا في معركتي فلا يلوث أحد منهم او يطاله رذاذ من هذه المعركة”.

Print Friendly, PDF & Email

11 تعليقات

  1. ياعم خالد..طيب ” والبنات ” وهم علي أعتاب الشهرة الفنية (وقد أشتركوا فعلا في ادوار بالمسلسلات والافلام) وأسمائهم أصبحت معروفة فنيا…في مقابل أيه يضحوا بكل ماحققوه لكي يشتركوا في تدمير سيادتك ..ورفضك للتعديل الدستوري هل تتخيل أن أحد مهتم به!!

  2. فنان
    شريف المصري
    ليس دفاعا عنه ، لأنه لا يستحق ذلك ، لكنني اعلم ان هجومكما عليه لموقفه من دستور الانقلاب والتلاعب فيه ولو صمت كما صمتما لدافعتما عنه ، فلا يوجد فن أخلاقي وآخر غير أخلاقي.. كله واحد ..

  3. أحبائي
    الأستاذ خالد
    أنا شخصيا دافعت عنك كإنسان عندما دارت حولك بعض الشبهات
    ووجهت رسالة الى الجهات المختصة للتحقيق لنعرف ما اسفرت عنه التحقيقات
    لكنك في ردودك التي تظنها ذكية تعتمد على خلط الأمور ببعضها وتتجاهل أصل الإتهامات
    دعك من 25 يناير و30 يونيو والنعرة الثورية فنحن هنا لانريد الاستماع الى مزيد من الحكايات
    ولاتعتبر نفسك أيضا الممثل الرسمي للفن وأهله فسيادتك لاتمثل الانفسك وأنا كذلك وكل أ فراد المجتمعات
    أحبائي
    دعوة محبة
    أدعو سيادتكم الي حسن الحديث وآدابه…..واحترام بعضنا البعض
    ونشر ثقافة الحب والخير والجمال والتسامح والعطاء بيننا في الأرض
    جمال بركات…مركز ثقافة الألفية الثالثة

  4. قمة الوقاحة ان يتحدث هؤلاء عن الشرف.
    ما حدث هو النموذج الحقيقي لمن تريد ان تدخل مستنقع الفن القذر وتحقق الشهرة، ومن تقول غير ذلك فهي كاذبة لأنه لا يمكن لإحداهن أن تشارك في فيلم او مسلسل إلا اذا كانت من هذا النموذج المنحط.
    هذا الواقع الحقيقي لمستنقع الفن والاعلام في مصر وما ظهر جزء بسيط جداً من المخفي.

  5. انسان صادق… يعترف بشكل غير مباشر بسقطته الأخلاقية.. ولا يريد أن تنسحب هذه السقطة على كل من عملت معه… وواضح أنه مستهدف بسبب موقفه السياسي.. ومن كان منكم بلا خطيئة فليرجمه بحجر

  6. Let me correct what you say ! SOME journalists in Egypt and almost all media in Egypt has reached to a level low that Egypt cannot now be called the land of culture and education. Egypt has made a mockery of TV and other media tols and started only clapping for the leaders. They make a big issue of a spontaneous statement by a singer ( Shireen ), they make themselves busy is talking about a dress of an actress or … or … that is really low. So Egypt has all become tabloid. Egypt and the Arab World has so many problems than a singer statement(( who did not say wrong thing about Egypt , by the way )) talk about housing problems in Egypt , jobs , innocent journalists in jail , prohibiting peole from travel etc.. As for the rest of the Arab world , their media is also very low . They try to shine their countries in products , things and even people that are not domestically made and raised. When talking about robots !!! did they make these robots ? they just have money to buy these robots . these are just few examples. I thing we need to revamp the mentality of of the whole Arab World to focus on the danger that is waiting for them in the future which they do not know at all

  7. الله اعلم بالحقيقة … لو كنت برئ فالله معك و لو كنت مذنب و تستغل الفتيات جنسيا فهذا عقاب لك

  8. يا سلام ..جاي تحكي كمان عن الاخلاق !!
    انت شوهت الفن المصري ومعه الفنانين ..وتريد بعملك اللا اخلاقي تدمير اسرتك كمان ..ما الإعلام إلا وسيلة من الرب لكشف المستور .

  9. نحن فى زمن الكذب مع وجود فيديوهات صوت وصوره للكاذب ومع ذلك مستمر فى كذبه .

  10. فن إ يه وإبداع إ به…، كله للاسف كما وصفته وسط داعر ، وصحيح نحن نصفق ونطرب للفن ، ونحتفي بالفنان ، لكن في قرارة أنفسنا نراه لا يليق بابن الأكرمين .

  11. مصر بالضياع .. الانسان وكل قيمة للمجتمع من ثقافة وفن وحرية تعبير يتم تدميره بمنهجيه وبسرعة مرعبة . وااأسفاااه

شروط التعليق:
التزام زوار "راي اليوم" بلياقات التفاعل مع المواد المنشورة ومواضيعها المطروحة، وعدم تناول الشخصيات والمقامات الدينية والدنيوية والكتّاب، بكلام جارح ونابِ ومشين، وعدم المساس بالشعوب والأعراق والإثنيات والأوطان بالسوء، وعلى ان يكون التعليق مختصرا بقدر الامكان.

اضافة تعليق

Please enter your comment!
Please enter your name here